كرسي معاق ()منقول للامانة()

نكتب ونشطب مو على شان الاذواق
الشعر لو هـو كـل مابـه كلوفـه
يكتب بمضمونه من اعماق الاعماق
لو غاب عن عيني بهمـي أشوفـه
والهاجس اللي فاض مابين الاحداق
ينبض بإنسـانٍ تصاغـر ظروفـه
قلت المعاق وقال يا حـر الاشـواق
اكتـب تراهـا بالقصيـد مخلوفـه
اسمى هموم المجتمع على الاطلاق :
حمـل التكافـل لـو تثاقـل كتوفـه
واكرم كراسي هالزمن كرسي معاق
فهق بـه دموعـه وقلـط ضيوفـه
اكتب وش اكتب عنه ياضيق الافاق
وانا بكيـت ولا شعـرت بحسوفـه
شفته شجاع وضاق وقته ولاضـاق
صدره سما غيمه تجيـه محفوفـه
متعانقٍ مـع هيبـة ايمانـه عنـاق
نور المكان ولا انخذل من خسوفـه
خفق من اسرابه على الغصن خفاق
ينشر امان الصبح في ليـل خوفـه
يجول يومه:طهر واعيـاد و وفـاق
وامل ودعـوه وابتسامـه وشوفـه
ينسى بها المحروم جوعه ليـا ذاق
طعم الزمـان وخطوتيـن محذوفـه
ياكثرمافينـا هواجيـس وارهــاق
وغربـه زمانيـه ونفـسٍٍ شغوفـه
الصمت بر ليا غدا هالحكـي عـاق
اذا تخثـع هالشـعـور بحـروفـه
نحبهـم ونمـوت فيهـم ونشتـاق
لرضاهم وكـل المشاعـر عطوفـه
فيهم أملنـا يجتمـع مابـه فـراق
ونجهـل معاهـم اهتيـن معروفـه
لهم أمانينا تجي الصبح بـاشـراق
وحروفنا عطف وجملنـا معطوفـه
اخواننا لو وصلهم بـس بـالاوراق
حلمٍٍ نزيـه وشامـخٍ فـي وقوفـه
وش عذرنا والصد عنهم ماينطـاق
بدنيا الهوان اللي تسيـر مخطوفـه
تسوف بنا ونقول باكـر بـه ارزاق
تسولف بنا العمر بثوان معصوفـه
باكر اذا ما التفت السـاق بالسـاق
كـل العمـر هـذا مجـرد بروفـه
مرٍ لـو انـه حالـي تقـل تريـاق
بنـتٍ تثيقـل والسنيـن مخفوفـه
انا كذا !! ماهو اهم شي الاخلاق !!
اهم شـي اللـي عيونـك تشوفـه
كرسي معاق ومعتلي فوقـه معـاق
الارض عرشـه والاوادم ضيوفـه